Filed under: Stjórnmál
Í viðtali við Sóleyju Tómasdóttur á visir.is talar hún um Besta flokkin sem brandara og lætur í veðri vaka að þessi brandari sé hættulegur fyrir framtíð barnana. Heldur svo áfram og kennir öllum öðrum um en sínum flokki, dæmigerður pólitíkus af gamla skólanum sem allir eru búnir að fá nóg af. Hún virðist ekki átta sig á því að það treystir engin fjórflokknum lengur, ekki hefur VG tekist að stöðva Magma energy, aðstoða bágstadda eða siðvæða stjórnmálin. Hún talar um áherslu VG:
„Við munum náttúrulega halda okkar dampi við að kynna okkar stefnumál sem hafa ekki breyst,” segir Sóley en flokkurinn leggur þunga áherslu á nærþjónustu og veðlferðarkerfið í heild sinni.
Ekki nefnir hún hreinsun á spillinguni í borgarkerfinu og orkuveitunni og í raun hefur verið undarleg þögn um þau mál. Allir frambjóðendurnir rembast við að skammast yfir besta flokknum í stað þess að einbeita sér að málefnum. Þurfa þeir kannski á peningunum að halda? Ég veit allavega að ég treysti þeim ekki, stjórnmálamenn af gamla skólanum eiga sér ekki framtíð vona ég.
VG talar um að nærþjónusta og velferðarmál séu þeirra aðall. Eflaust er svipað uppi á teningnum hjá hinum, að vísu lofa sjálfstæðismenn áframhaldandi stöðugleika sem hlýtur að vera brandari en allavega þá hefur maður heyrt þetta allt áður og horft upp á þetta allt vera svikið þegar viðkomandi er komin til valda.
Besti flokkurinn hleypur í hringi í kringum hina flokkana hvað markaðssetningu varðar. Menn kvarta yfir að hann hafi enga gáfulega stefnu og sé ábyrgðarlaus en til hvers að hafa stefnu eins og hinir flokkarnir þegar það er vitað að það er ekki farið eftir henni? Varðandi ábyrgðarleysið vil ég bara benda mönnum á skuldsetningu orkuveitunar og hvað það kostar reykvíkinga.
góðar stundir.
No Comments so far
Leave a comment
Leave a comment
Line and paragraph breaks automatic, e-mail address never displayed, HTML allowed:
<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong> <iframe width="" height="" frameborder="" src="" scrolling="" style=""> <object width="" height=""> <param name="" value=""> <embed src="" type="" wmode="" width="" height="" name="" bgcolor="" flashVars="" allowFullScreen="" allowScriptAccess="" seamlesstabbing="" swLiveConnect="" pluginspage=""> <script type="" src="" charset=""> <div class="" id="" style=""> <style type="">