Það er dásamlegt að sjá að heimilislausir bloggarar geta nú komið saman og látið sér líða vel hér á Bloggheimum.

Vil minna á fund Hagsmunasamtaka Heimilanna í Iðnó í kvöld og krefst þess að :

Ríkisstjórn Íslands komi til móts við það fólk sem  á það á hættu að vera borið út af heimilum sínum á næstu mánuðum og að neyðarlög verði sett um að óheimilt verði með öllu að fólk sé borið út frá 15. september til 15. apríl, ekki bara 2009 – 2010, heldur ætti þetta að verða að reglu.

Ríkisstjórnin ætti síðan að nota næstu sjö mánuði til þess að finna raunhæfar lausnir til þess að koma til móts við þá sem ekki geta með nokkru móti staðið undir skuldum sínum.