Sveinn Pálsson

Er ekki einfaldast að hækka bara veiðigjaldið á fiskveiðikvótann frekar en fara í uppstokkun á kerfinu. Eins og Matthías Johannessen bendir á í viðtali á Pressunni, þá eiga útgerðarmenn að borga leigu fyrir það sem þeir leigja og eiga ekki.

Veiðigjaldið hefur verið lágt hingað til, en hægt er að hækka það upp úr öllu valdi ef því er að skipta, án þess að raska kerfinu.

Þannig fær þjóðin það sem henni ber fyrir auðlindina.

Sigvaldi Hjálmarsson er að mínu mati merkasti fræðimaður sem Íslendingar hafa átt á andlega sviðinu. Hann lést árið 1985 en stofnuð hefur verið síða á Facebook honum til heiðurs.

Sigvaldi starfaði fyrir Guðspekifélagið til æviloka og var þar forseti um árabil.

Eftir hann liggja nokkrar bækur sem eru sú besta lesning sem maður kemst í.  Má þar nefna Eins konar þögn og Haf í dropa.

General Motors er byrjað að borga inn á lán frá Bandaríska ríkinu.

Félagið hefur þegar greitt 1 milljarð dollara af 6,7 milljörðum.

Samtals fékk félagið 50 milljarða dollara, þar af 43,3 milljarða styrk sem lendir á skattgreiðendum.

Þessi niðurstaða mín, að bókhald sé nánast tilgangslaust, hefur sýnt sig í stórum skala undanfarið. Heilu bankarnir og sveitarfélögin hafa komist í þrot án þess að bókhaldið sýndi neitt athugavert, þvert á móti var allt í himnalagi samkvæmt bókhaldinu.

Endurskoðendum hefur tekist að koma hlutunum þannig fyrir, að það er ekkert að marka bókhald.

Hanna Birna er næsti einræðisherra

Stuðningsmenn svokallaðs Sjálfstæðisflokks hafa löngum verið hallir undir einræðisfyrirkomulagið. Þeim finnst best að hafa einhvern við stjórnvölin sem þeir geta stutt í blindni. Þá geta þeir áhyggjulausir grillað á kvöldin og talið sér trú um að þeir græði á daginn. En á meðan þeir sofa, keyrir flokkurinn þeirra allt í þrot.

Hanna Birna er akkúrat karakter fyrir sjálfstæðismenn. Hana geta þeir stutt í blindni. Hún veður áfram á frekjunni. Hún semur ekki um lausnir, hún segir einfaldlega “svona verður þetta” og allir eiga að hlíða. Svona stillti hún Inga Birni upp við vegg, ekkert þurfti að semja. Svona fleygði hún Ólafi F. Magnússyni út, þegar hún vildi sjálf komast í borgarstjórastólinn.

Hún er vel upp alin í innsta kjarna hægriöfgamanna, nánar tiltekið hjá Kjartani Gunnarssyni Icesave stjóra, þar sem undirferli og frekja eru aðalsmerkið.

Endurskoðendur eru gagnslaus stétt

Endurskoðendur eru vita gagnslaus stétt. Ekkert er á þeirra skýrslum að græða, enda koma ársuppgjörin einu og hálfu ári eftir að rekstrarárið hófst og upplýsingarnar því löngu úreltar.  Flest fyrirtæki eru í nokkurs konar nauðungarviðskiptum við sína endurskoðendur, nota sem sé aðrar og skilvirkari leiðir til að fylgjast með því hvernig reksturinn gengur.

Í Speglinum 6. apríl var Guðrúnu Johnsen, lektor við Háskóla Reykjavíkur, spurð hvort ábyrgð endurskoðenda bankanna væri ekki mikil. Hún svaraði að mikilvægast væri að eiginfjárgrunnur bankanna væri réttur. Það ætti eftir að koma í ljós hvort svo væri.

Halló!

Alveg er þetta dæmigert fyrir endurskoðendur. Að gleyma sér í aukaatriðum. Eiginfjárgrunnurinn er minsta stærðin í bókaldinu.  Útlánasafnið er tífallt stærra. Komið hefur í ljós að útlán til fyrirtækja þarf að afskrifa um meira en 50%.

Jafnvel eftirá, þegar hrunið er orðið staðreynd, þá sökkva endurskoðendur sér í smáatriði og sjá ekki aðalatriðin.

Sony Ericsson Open tennismótið stendur nú sem hæðst.

Belgíska stúlkan Kim Clijsters var að vinna kvennadeildina með glæsilegum sigri á Venus Williams. Sigraði hún í tveim settum 6-2 og 6-1 á aðeins 58 mínótum.

Kim Clijsters tók sér 2 ára frí vegna barneignar en kom aftur í ágúst s.l. Hún hefur þegar unnið þrjú mót á þessum skamma tíma.

Hún landar um 570 milljónum króna í verðlaun.

Eins og kunnugt er, ollu sífelldar stýrivaxtahækkanir Seðlabankans því að gengið styrktist jafnt og þétt. Þetta hafa sumir kallað að gengið hafi verið falsað upp á við. 

Sterkara gengi lækkaði gengistryggð lán og lækkaði einnig vöruverð og þar með vísitölutryggð lán. Þannig lækkaði lánakostnaður hjá flestum skuldurum sem síðan jók ásókn í lán frekar en draga úr. Hjá mörgum fyrirtækjum var hagnaður “góðærisáranna” aðeins byggður á því að erlendar skuldir lækkuðu vegna styrkingar gengis.

Ég hef lengi haldið, að þessar aðstæður hafi verið séríslenskar og aðrar þjóðir hafi ekki lent í svona öfugri virkni á stýrivaxtatækinu.

Jóhann Hauksson birtir í dag pistil eftir mann frá Tékklandi, en þar er einmitt nefnt að hækkandi stýrivextir hafi þar í landi dregið að erlent fjármagn og á endanum leitt af sér bankakreppu.

Þar segir:

“Í skólabókartextanum segir að fyrstu viðbrögð seðlabanka við að draga úr verðbólgu séu séu fólgin í því að hækka vexti. Vandinn er sá að háir vextir laða að erlent fé. Við Tékkar höfum bitra reynslu af þessum áhrifum. Á tíunda áratugnum soguðu háir vextir í okkar landi til sín fjármagn spákaupmanna. Það kynti undir verðbólgu, en síðar, í maímánuði  1997,  leysti þetta úr læðingi fjármála- og bankakreppu. Þversögnin er sú að vextirnir juku peningamagn í umferð í hagkerfinu, (..) þeir virkuðu sem tálbeita fyrir fjárfesta eða sparifjáreigendur.”

Ljóst er því að hagfræðikenningin um að hækkaðir stýrivextir dragi úr þennslu, á ekki við í litlum opnum hagkerfum og getur þvert á móti haft öfug áhrif.

Þetta tæki er því afar hættulegt við okkar aðstæður og ætti ekkert að nota.

Ég hef undanfarið verið að lesa sjálfsævisöguna Fátækt fólk eftir Tryggva Emilsson, fyrir 12 ára dóttur mína á kvöldin. Bókin er góður gluggi inn í þær aðstæður sem fólk bjó við fyrir aðeins 100 árum. Í raun er þetta mikil sorgar saga en þó glittir í ljósglætu inn á milli. Bjargarleysið og aðstöðuleysið var nánast algjört á þessum tíma. Fólk bjó í hreysum við kulda og sult, allt þurfti að gera með handafli. Líklega vorum við fátækasta þjóð Evrópu á þessum tíma.

Það er með ólíkindum hversu miklar framfarir hafa orðið í landinu. Ef kreppan sem nú er við að glíma, verður ekki dýpri en orðið er, getum við unað nokkuð sátt við okkar hlut.

Það sem helst þarf að aukast í dag, er ánægjan með hversu miklar framfarir hafa orðið.

Þeir sem eiga peninga í dag eru þeir sem sáu að bólan var að springa og seldu á réttum tíma. Einnig þeir sem fengu lánað fjármagn, sem þeir fluttu yfir í skúffufélög, en láta skuldugu félögin fara á hausinn.

Þetta eru þeir sem best voru inní hlutunum á góðæristímanum,  kallar eins og Ólafur Ólafsson, Jón Ásgeir og Pálmi í Fons.

Ef það á að komast hjá því að þessir menn kaupi upp öll félög á landinu, þá þarf að leggja niður peningakerfið eða ná til þeirra með sérstakri afturvirkri skattlagningu.

Gunnar Birgisson tók ekki þátt í skítkasti í prófkjörinu. Hann ætlaði að vinna á eigin verðleikum, en ljóst er að það dugar skammt.

Sjálfur bæjarstjórinn beitti sér gegn Gunnari og lak upplýsingum í fjölmiðla. Einnig íþróttafélagið HK, þrátt fyrir að Gunnar hafi stutt félagið dyggilega í sinni tíð.

Líklegt er að aðrir stjórnmálaflokkar hafi ráðið mestu um niðurstöðu prófkjörsins, segir Gunnar. Það segir sína sögu um hversu ómarktækt þetta var.

Framboð Sjálfstæðisflokksins í Kópavogi er því handónýtt.

Ljóst er að Gunnar á góða möguleika í sérfarmboði og líklegt að hann nái oddastöðu í bæjarstjórninni, því mörgum er hlítt til Gunnars, þrátt fyrir umdeilda fortíð.

Á okursíðu Dr Gunna er bent á að hægt er að spara 50% í olíuskiptum með því að versla hjá KvikkFix í Kópavogi. (http://kvikkfix.is/)

Sjá færslu Dr Gunna: http://okursidan.blogspot.com/2010/02/odyrara-hja-kvikkfix.html

Þeir beita ansi harðneskjulegum þjálfunaraðferðum í Kína.

Nær væri að kalla þetta pyntingar.