Bloggheimar Posts

Þjarmað að Guði!

baldur — Thu, 02 Sep 2010 09:38:30 +0000

Ekki lengur pláss fyrir Guð sem skapara heimsins segir Stephen Hawking í nýrri, óútkominni, bók sinni. Vísindin hafa nú gert Guð óþarfan þegar kemur að sköpun heimsins segir hann á sama hátt og þróunarkenning Darwins sýndi fram á að hann var óþarfur í sköpun lífsins og þar með mannsins. Spurning Hawkings er annars þessi: ,,Þurfti alheimurinn skapara“. Svar hans er einfalt ,,Nei“. Það þurfti hvorki Guðlega hönnum eða guðlega hönd. Tilkoma alheimsins laut einfaldlega eðlisfræðilegum lögmálum. Vegna aðdráttarlögmálsins hlaut alheimurinn að skapa sjálfan sig og kunn eðlisfræði lögmál eru ástæða þess að alheimurinn er til segir hann. Hawkings taldi pláss fyrir Guð í bók sinni 1988 en hefur nú horfið frá því. Hann hafnar nú alveg því að á bak við alheiminn sé ,,heili“ Guðs, eingöngu sé um að ræða eðlisfræðileg lögmál. Ég tek ofan fyrir Hawkings. En Guðsskilningur hans er annar en minn og okkar flestra hygg ég. Og hann er að skrifa til fólks með mjög bókstaflega guðshugmynd. Við flest hér höfum fyrir margt löngu, held ég, gert okkur grein fyrir því að Guð er kærleikur og stóð alls ekki í neinum flóknum útreikningum fyrir þúsundum milljónum ára hvað þá að hann hafi setið við að teikna risaeðlur, mýs og menn. Okkar Guð er hins vegar á bak við allt, kærleiksrík móðir, kærleiksríkur faðir, skapari alls hins góða, verndari fegurðarinnar, svar við trúarþörf mannsins, frelsari mannanna. Ég ætla því all ekki að skipta um námsgráðutitilinn ,,guðfræðingur“ og tel að enn sé og muni ætíð verða pláss fyrir umburðarlynda og mannelskandi guðfræði . Við höfum hins vegar enga þörf fyrir öfgar og vitleysu sem eru vitaskuld fylgifiskar mannlífsins og vitaskuld þess heldur ef þetta er tóm eðlisfræði. (Byggt á forsíðufétt the Times í morgun 2. september , en óútkomin bók Hawkings þar sem hann boðar það að manninum muni brátt takast að setja fram heildstæða vísindalega kenningu um alheiminn, er kynnt þar í dag og hefur þegar vakið athygli og umtal).

Áhyggjur Árna Sigfússonar

aggi — Thu, 02 Sep 2010 08:22:42 +0000

Árni Sigfússon er mjög áhyggjufullur maður þó hann beri sig mannalega, segist ætla að redda málunum og það sé ekkert mál. Enda ekki skrítið því að á átta árum hefur honum og félögum í Sjálstæðisflokknum tekist að gera það sama við Reykjanesbæ og aðrir félagar hans gerðu á 18 árum á landsvísu: algjört efnahagshrun í minni útgáfu og gjaldþrot blasir við Reykjanesbæ, nokkuð sem veldur örugglega stóru magasári hjá Árna. En þetta er ekki það eina sem er nöturlegur áhyggjuvaldur Árna af Suðurnesjunum, þeim skelfingarstað þar sem martraðir rætast af Sjálfstæðisflokksins völdum heldur fréttist einnig þaðan að menntafyrirtækið Keilir eins og það kallast, hefði verið að nota hluta af þeim opinberu styrkjum sem það hafði fengið í einhverja allt aðra hluti en ráðstafað hafði verið úr sjóði skattborgaranna. Ekki getur það bætt meltingu stjórnarformanninss sem er einmitt bæjarstjórinn í Reykjanesbæ, Árni Sigfússon sem situr þar í stjórn ásamt fleirum merkum mönnum sem staðið hafa í ýmsu bralli á Suðurnesjum með honum og mörgum bæjarfulltrúum Sjálfstæðisflokksins, sérstaklega þegar kemur að því að skipta eignum varnarliðsins á milli sín og góðra vina hvort sem þeir eru Mathiesen eða úr Glitni sem hefur átt mikið samflot með bæjarstjórn Reykjanesbæjar m.a. Keili. Helst ber að nefna úr stjórn Keilis menn á borð við Kjartan Þór Eiríksson sem stýrir Þróunarfélagi Keflavíkur sem einmitt var notað til þess að útdeila fyrrnefndum eigum varnarliðsins til bæjarfulltrúa og góðvina Sjálfstæðisflokksins á Suðurnesjum á tímum stjórnarformannsins Árna Sigfússonar, Geirmundur Kristinnson sem stýrði Sparisjóði Keflavíkur til gjaldþrots samhliða því að nota hann í kaup á varnarliðseignum og fleira braski á Suðurnesjum auk þess að plata Runólf Ágústsson, framkvæmdastjóra Keilis, til að taka stórt lán sem kom honum í eins dags starf síðar og svo hinn Magmaða forsjtóra Ásgeir Margeirsson sem stýrði nú Geysi Green Energy meðan Reykjanesbær og Glitnir/Íslandsbanki áttu það saman. Gott ef Árni Sigfússon hefur kannski ekki einnig verið í stjórn þar. Einnig má sjá aðra góðkunningja úr Glitni og Geysi Green á varamannabekk þarna s.s. Árna Magnússon, fyrrum félagsmálaráðherra sem stýrir orkuútrás og innrás Glitnis/Íslandsbanka. Áhyggjur Árna eru þó fleiri og ekki bara vegna þess að Keilir var að svindla og bærinn að fara í gjaldþrot því mjólkurkúin HS Orka hefur verið seld til Magma sem Ásgeir vinur hans stýrir og það greitt m.a. með skuldabréfi frá Geysi Green sem Glitnir/Íslandsbanki eiga. Það skuldabréf varð til þegar Reykjanesbæ lánaði Geysi Green Energy fyrir kaupunum sem voru með einstaklega hagstæðum kjörum fyrir GGE á kostnað bæjarbúa eftir samningafundi á bak við luktar dyr milli Árna og Ásgeirs Margeirs auk örfárra undirsáta.Var það bréf samþykkt svo þrátt fyrir ábendingar um að bærinn yrði af fimm milljörðum jafnvel með sölunni til GGE og Deloitte taldi veðin ófullnæjgandi, nokkuð sem bæjarfulltrúinn Böðvar Jónsson sagði stórgóðan samning. Nú hefur þetta breyt yfir í Magmað magasár til handa Árna því nú vill Árni fá peningana strax fyrir skudlabréfið svo ballið hans geti geti haldið áfram nokkra dag til viðbótar, en enginn vill snerta bréfið nú með glóandi töngum né galdra fram glatað fé fyrir glataðan skuldabréfagjörning. En áhyggjum Árna Sigfússonar er ei lokið því hann hefur væntanlega miklar áhyggjur sem stjórnarformaður fasteignafélagsins Fasteign ehf. sem er í meirihltuaeign Glitnis/Íslandsbanka og Reykjanesbæjar og varamanninum Böðvari Jónssyni, bæjarfulltrúa í Reykjanesbæ og fyrrum aðstoðarmanni Árna Mathíesens fjármálaráðherra sem á bróður sem heitir Þorgils Óttar sem keypti varnarliðshúsnæði og starfaði hjá Glitni einnig eitt sinn. Fasteign keypti nefnilega allar fasteignir Reykjanesbæjar, væntanlega af bæjarstjóranum Árna Sigfússyni þó ei sé létt að vita hvort stjórnarformaðurinn Árni Sigfússon hafi tekið þátt í að samþykkja kaupin fyrir hönd Fasteignar þá. Fasteign leigir nefnilega Reykjanesbæ húsnæðið allt og það til 30 ára og því yrði það nú ekki gott ef bærinn gæti ekki staðið í skilum, sérstaklega þar sem það á að fara að hækka leiguna næstu áramót. Til að kóróna allt það sem á Árna hvílir þá stefnir allt í það að veðsett land sem braskarar úr Reykjanesbæ ætluðu að byggja Motor-Park á, endi svo á herðum Árna með milljarðs skuld til handa skattborgurum Reykjanesbæjar sem auðfúsir eru ávallt til að styðja sinn bæjarstjóra m.a. með endurkjöri og nú skiptingu skuldanna á milli sín. Áhyggjum Árna verður því ei létt að lyfta nema kannski að undangenginnni rannsókn á því hversvegna þessar áhyggjur urðu til og helst áður en áhyggjur Árna valda því að hann neyðist til að grípa til örþrifaráða á borð við að veðsetja Helguvíkurland og allt annað naglfast sem lauslegt því þessar áhyggjur eru víst allar tilkomnar út af því að honum langaði til að framfylgja frjálshyggudraumnum sem í sálu hans bjó með því að skipta eigum Suðurnesjamanna milli vina sinna í bæjarstjórn og bönkum því þeir voru nú elegant eðalfulltrúar einkaframtaksins árið 2007. En til að rannsókn geti farið fram um hvernig þessar áhyggjur urðu til og hvernig sé best að leysa úr þeim, væri best að gefa Árna hvíld sem fyrst frá störfum öllum og senda hann, jafnvel með félögum sínum úr bæjarstjórnarbraski og banksteralífi, á gott hressingarhæli þar sem ró og næði ríkir. Hver veit, kannski gætu þeir Árni og félagar fengið inni á Hressingarhælið Hraunið á Eyrarbakka þar sem áhyggjur af lífinu fyrir utan hverfa, að undangenginni ítarlegri rannsókn að sjálfsögðu. Það mun þó ekki létta þeim ómannlega þungu byrðum sem íbúar Reykjanesbæjar kusu sjálfir yfir sig. Það verða þeir að axla sjálfir næstu árin ef ekki áratugina.

Banksterafréttir

aggi — Wed, 01 Sep 2010 20:14:34 +0000

Glæsilegar fréttir innan úr bönkunum þessa daga um bansktera og þjóna þeirra. Hreiðar Már, Kristján Ara og aðrir kúlulánakóngar sleppa með skrekkinn heim með kampavín úr ríkinu því þess var gætt að fara ekki nógu snemma í mál við þá Jóhannes í Bónus þarf að víkja úr stjórn Haga en töltir í burtu með nokkur fyrirtæki og feitan vasa af seðlum meðan krókódílatárin renna nður af kinnum hans. Björgólfur Thor, skuldaskilari Íslands sem færði okkur IceSave og aðrar frábærar gjafir Hrunsins, fær óvænta kynningu á því hvernig hann gerir upp skuldir með því að fá niðurfellingu persónulegrar ábyrgðar upp á 27 milljarða frá sjálftökunefnd Landsbankans sem lofar að fara ekki í mál við hann. Og almennir skuldarar fá smá bros og föðurlegt klapp hauskúpumerktrar innheimtudeilda. Frestað hefur veirð að senda út greiðsluseðla vegna erlendra lána um tíma hjá sumum þeirra. Það er nefnilega verið að bíða eftir nýrri sendingu af reipum til að hengja almennan skuldara með.

Mál hælisleitenda...fái hærri stjórnskipulegan sess!

baldur — Wed, 01 Sep 2010 17:37:40 +0000

Vísað í blogg Egils Helgasonar um innflytjendur og Ögmund Jónasson: Ég tek undir ánægju með að fá Ögmund Jónasson í nýtt innanríkisráðuneyti. Útlendingalög eru of stíf, taka mið af þeim dönsku og þeim er á tíðum of bókstaflega fylgt. Nefnd Evrópuráðsins, ECRI hefur gagnrýnt ýmislegt í þeim svo sem 24 ára regluna og réttleysi kvenna af erlendum uppruna sem skilja við eiginmenn sína íslenska. Fulltrúar ECRI voru fullvissaðir um það þegar þeir voru síðast hér á ferðinni að slík mál væru meðhöndluð af stöku umburðarlyndi. Er það tilfellið? Margt fleira mætti nefna. Ég hef stundum sagt að Ögmundur hefði stórt hjarta- við þurfum einmitt manneskju með stórt hjarta í þetta ráðuneyti. Það þarf líka sterka manneskju því að embættimannakerfið er sterkt og stíft á þessum slóðum. Kannski er það skýringin á meintri íhaldssemi eða eigum við að segja varkárni Rögnu Árnadóttur sem hvað sem öðru líður hlustaði á fólk. Mál hælisleytenda og flóttamanna og þeirra sem sækja um landvistarleyfi þyrftu að fá hærri stjórnskipulegan status. Slík má mega undir engum kringumstæðum velkjast um eða úrlausn þeirra dragast úr hömlu eins og því miður hefur verið tilfellið hér á landi. Það bitnar herfilega á þeim sem síst skyld,i fólki sem hefur farið illa út úr tilverunni og einnig börnum þeirra.

Veiking framkvæmdavaldsins

aggi — Wed, 01 Sep 2010 10:50:57 +0000

Í framhaldi af væntanlegu brotthvarfi utanþingsráðherranna sem er stórt skref aftur á bak til fortíðar Hrunsins, þá hefur maður aðeins verið að velta fyrir sér hvernig best sé að veikja ægivald framkvæmdavaldsins, sérstaklega með tilliti til stjórlagaþings. Þá er spurning hvernig sé best að gera það. Hugmyndin um að ráðherrar geti ekki setið á þingi er góðs gjalda verð en á meðan þeir eru valdir með tilliti til flokksskírteinis og þess að þeir séu háttsettir innan flokks þá eru áhrfin enn mikil. Utanflokks- og utanþingsráðherrar væru vænlegasti kosturinn til að þeir sinntu starfi sem framkvæmdavald fyrst og fremst en þá er spurningin með tilhögu hvort það ætti að kjósa forsætisráðherra sér sem skipar ráðuneyti og hafa það kannski á miðju þingtímabili eða lengra á milli. Annað sem gæti gengið til veikingar framkvæmdavalds er að taka það úr höndunu á þiem að leggja fram lagafrumvörp. Það myndi þýða að ráðherrar væru hreint framkvæmdavald sem hefði engin afskipti af löggjafanum nema kannski á bak við tjöldin. Þetta myndi hafa það í för með sér að öll lagasetning væri á höndum Alþingis og meiri vinna á þeirra herðum, nokkuð sem þeir geta örugglega bætt við sig sé miðað við mætingu þeirra í þingsal. Í fljótu bragði á maður erfitt með að sjá hvaða ókostir fylgja fyrir utan aukið vinnálag á þingið en hverjir þeir eru, væri gaman að heyra röksemdir um. Svo þarf auðvitað einnig að tryggja að framkvæmdavaldið sé ekki að stússast í dómaraskipun svo maður endi ekki með enn eitt Ólafs Börks/Jón Steinar/Þorstein Davíðsson fíaskó.

Viljandi óskýrt orðalag?

einarkarl — Wed, 01 Sep 2010 09:07:37 +0000

Á eyðublaði til að breyta trúfélagsskráningu stendur þetta:

Hvert renna sóknargjöld?

Þjóðkirkjusöfnuðir og skráð trúfélög samkvæmt lögum um trúfélög skulu eiga ákveðna hlutdeild í tekjuskatti álögðum samkvæmt ákvæðum laga um tekjuskatt. Þessi fjárhæð - sóknargjald - reiknast fyrir hvern þann sem orðinn er 16 ára 31. desember árið áður en gjaldár hefst.

Gjaldið miðast við skráningu í þjóðskrá 1. desember árið áður en gjaldár hefst og skiptist þannig:

1. Gjald einstaklings, sem skráður er í þjóðkirkjuna, rennur til þess safnaðar sem hann tilheyrir. 2. Gjald einstaklings, sem tilheyrir skráðu trúfélagi, rennur til hlutaðeigandi trúfélags. 3. Gjald einstaklings, sem hvorki er í þjóðkirkjunni né skráðu trúfélagi, hefur verið afnumið.

Nú spyr ég lesendur: Hvað haldið þið að orðalag í 3. lið þýði? Svar birtist í næsta pistli.

Á Karl biskup að stíga til hliðar?

baldur — Tue, 31 Aug 2010 20:53:33 +0000

Mér finnst alveg koma til greina að Karl Sigurbjörnsson ,biskupinn, stigi til hliðar á meðan sannleiksnefndin sem kirkjan ætlar að setja upp er mótuð og starfar, en mér finnst það svo sem ekkert sjálfgefið. Fræðin kenna okkur að til þess hugsaðir staðgenglar gera lítið annað en það sem aðal hefði gert. Sannleiksnefndin, sem kirkjan hyggst setja upp mun, að mínum skilningi, fyrst og síðast rannsaka hvernig og hvort reynt var að þagga málið um kynferðisbrot Ólafs Skúlasonar niður, fyrst áður en Ólafur varð biskup, síðan árið 1996 þegar ásakanir Sigrúnar Pálínu Ingvarsdóttur, Dagbjörtu Guðmundsdóttur og Stefaníu Þorgrímsdóttur komu opinberlega fram. Þá mun nefndin væntanlega rekja þá sögu hvers vegna ekkert var gert til þess að rétta mannorð kvennanna í framhaldi af biskupsskiptum og svo enn aftur hvernig stóð á biðinni og leyndinni eftir að Guðrún Ebba biskupsdóttir sendi bréf sitt. Auðvitað væri kirkjan trúverðugri ef Karl stigi til hliðar og einhver utanaðkomandi valdakerfinu yrði sett eða settur ,,biskopus temporaris“. Á móti kæmi að það myndi auka á ringulreiðina og Karli biskupi er margt vel gefið og gæti enn haldið vel á málum. Hitt er annað að enginn biskup ætti að sitja lengur en í 8-10 ár. Eftir þann tíma þarf að laga til í hvaða stjórnkerfi sem er. Þá ætti að taka til endurskoðunar hvernig biskup er kosinn. Nú er hann kosinn af prestum og örfáum leikmönnum. Best væri að kjósa hann í almennum kosningum alls þjóðkirkjufólks. Til þess að vit yrði málum mætti þrengri hópur kjósa 4 manneskjur sem kosið yrði á milli tvær konur og tvo karla, tvo guðfræðinga og tvo ekki guðfræðinga. Biskup þyrfti ekki að vera prestvígður maður. Ágætt væri að hann væri guðfræðingur en hann mætti alveg vera sjálfmenntaður slíkur. (Ég blogga um það sem mér er efst í huga. Ef ég bloggaði ekki um þatta máefni væri það sjálsþöggun í betra lagi)

Furðuleg ríkistjórnaruppstokkun

aggi — Tue, 31 Aug 2010 20:13:02 +0000

Ég klóra mér aðeins í hausnum yfir þesssari ríkistjórnaruppskipun sem væntanleg er. Gylfa er skiljaneglt að verði vísað út vegna átaka síðustu mánaða og óvinsælla ummæla vegna gengislána. En hversvegna á Ragna að taka poka sinn? Það er óskiljanlegt því hún hefur staðið sig vel þrátt fyrir nokkrar óvinsælar uppákomur þar sem hún allavega ræddi við þá sem mótmæltu því sem þótti óvinsælt. Og hversvegna hún frekar en Katrín Júlíusdóttir sem er líklegast einn versti ráðherra ríkistjórnarinnar? Manneskjan sem sá ekkert að því að Björgólfur Thor fengi að maka krókinn meðan IceSave-reiknigar og aðrar hörmungar hans lentu á herðum landsins og heillaðist af Magmaðum kynþokka Ross Beatty og kappanna úr Geysi Green, svo mikið að hún vildi ekkert gera í málum HS Orku. Hversvegna Ragna frekar en Jón Bjarnason sem virkar oft eins og afdalabóndi á slæmu gambratrippi í viðtölum, lætur eins og versta hrekkjusvín innan stjórnarinnar og grípur til óskiljanlegra aðgerða heldur en beljuhjörð sem ákveður að fara á höfrungahlaupi inn í sláturhús? Hversvegna Ragna frekar en Árni Páll sem virðist hafa meiri metnað til að hygla vinum sínum og sólbaðstofu Samfylkingarinnar heldur en að hugsa um hag atvinnuulausra og annarra skjólstæðinga sinna sem eru glæpamannakenndir af ráðuneyti hans og stofnunum? Hvað gerir Rögnu meira óvelkomna innan ríkistjórnarinnar heldur en Össur sem Magmaður Félagi þykir meðal banksterana sem Suðurnesjunum hafa spillt, plottandi og glottandi frá Hruni til heljar og til baka fyrir Hrun? Þetta er furðuleg ráðstöfun aðog eiginlega algjörlega út úr kú að taka einn besta og vinsælasta ráðherrann sem í þokkabót er utanþingsfagráðherra, en skilja svo eftir margt af því fólki sem ekkert hefur lært af Hruninu og ætlar sér ekkert að læra. Verður þetta ekki bara Nýja Ísland: Gamla sveitta, ógeðslega Ísland Reloaded með öllum sínum drullupólitísku ráðherrum og sömu gömlu þreyttu hanaslögunum og áður vegna þess að ráðherrarnir eru flokkspólitískir? Var ekki annars talað um að breyta til betri hátta í stjórnarsáttmálanum?

Franska bókahaustið með obbolitlu íslensku ívafi

grnaloppan — Tue, 31 Aug 2010 12:13:42 +0000

Ógrynni nýrra bóka kemur út í Frakklandi þessa dagana. Allt er vel undirbúið. Gagnrýnendur hafa löngu fengið nýmetið í hendur enda birtast ritdómarnir óðum. Frakkar eru forvitnir á erlendar bókmenntir, um 14% af bókaflóði síðasta árs voru þýðingar. Þýðingar úr ensku eru alltaf langflestar eða um 62% þýðinga, löngu aftar koma þýðingar úr japönsku (8,3%), þýsku (6,2%), ítölsku (4,3%) og spænsku (4%). Í sjötta sæti koma síðan öll Norðurlandamálin saman í einni skál (1,8%), á undan rússnesku (1,3%) og hollensku (0,9%). Tölurnar eru svimandi háar, til að mynda voru ensku titlarnir í franskri þýðingu 5.638 í fyrra en aðeins 162 úr norrænu málunum. [Heimild CNL]. Með öðrum orðum, þær síðarnefndu eru fágæti, að ekki sé talað um þýðingarnar úr íslensku, þær þykja hinar forvitnilegustu. Hvað kemur út af þeim íslensku í franskri þýðingu í ár? Í febrúar kom Harðskafi (Arnaldur), Skipið (Stefan Máni) og Himnaríki og helvíti (Jón Kalman) út í þýðingu Éric Boury. Í mars kom Bjarnar saga Hítdælakappa út í þýðingu Patrick Guelpa (tvítyngd útgáfa). Í maí kom Öxin og jörðin (Ólafur) út í þýðingu Henrý K. Albanssonar. Í þessum mánuði kom Afleggjarinn (Auður Ava) út í þýðingu Catherine Eyjólfsson og Sverris saga í þýðingu Torfa H. Tulinius. Sjöundi sonurinn (Árni) kemur út í september og Vargurinn (Jón Hallur) í október, báðar í þýðingu Éric Boury. Fleiri þýðingar eru í farvatninu en koma væntanlega ekki út fyrr en á næsta ári. Málþing og bókmenntahátíðir eru tíðar í Frakklandi, sem og alls kyns bókmenntaverðlaun, enda bókmenntaáhugi Frakka annálaður. Jóni Kalman Stefánssyni og Auði A. Ólafsdóttur er boðið á norrænu lista- og bókmenntahátíðina Les Boréales sem haldin verður í 19. sinn dagana 11. til 27. nóvember nk. í Caen og nágrenni - og á næstunni, 29. september, blæs Landsbókasafn Frakka til málþings í París um norræna krimma og er Árna Þórarinssyni boðið. Íslenskar bókmenntir koma þannig obbolítið við sögu í Frakklandi, þökk sé okkar öflugu þýðendum.

Góður og einlægur fundur með konunum fjórum!

baldur — Mon, 30 Aug 2010 19:22:06 +0000

Mikið bar þetta einlægur og góður fundur með Sigrúnu Pálínu, Ólöfu Pitt, Dagbjörtu Guðmundsdóttur og Særósu Guðnadóttur sem við prestar áttum í Vídalínskirkju í dag. Það var átakanlegt að hlýða á lýsingar þeirra og horfa upp á kvöl þeirra, en það var augljóst að nokkru fargi var af öllum létt. Það er sárt að við skyldum ekki vera tilbúin fyrir svona fund fyrir fimmtán árum. Hvað mig snertir sé ég mest eftir því að hafa ekki haft samband þá til þess að fá vitnisburð þeirra milliliðalaust. Þetta var átakalegur fundur með einlægu og góðu fólki. Virðing mín fyrir þessum fjórum konum er fölskvalaus.

Ölfusið hirði mjólkukú sína aftur!

baldur — Sun, 29 Aug 2010 20:37:12 +0000

Sveitarfélagið Ölfus á að krefast þess að salan á Hitaveitu Ölfuss til Orkuveitunnar gangi til baka. Salan var gríðarlega umdeild á sínum tíma og verðið lágt. Þetta var á þeim tíma þegar menn reyndu að selja allt frá sér. Nú kemur á daginn að Reykvíkingar hafa einir hirt arð úr Orkuveitunni. Ástæðulaust er að sitja undir því. Að auki hafa þeir Orkuveitumenn svikið flest það sem þeir lofuðu grönnum sínum austan fjalls svo sem það að ljósastarurasetja veginn þangað. Hiklaust á að skipta veitunum upp aftur. Hirða ránsfenginn til baka.

Sigurður Líndal og stjórnarskráin

aggi — Sun, 29 Aug 2010 15:16:37 +0000

Í útvarpi í morgun þá lét Sigurður Líndal það víst út úr sér að það væri engin þörf á að endurskoða í heild sinni og að það þyrfti eingöngu hugarfarsbreytingu til að Íslendingar færu eftir stjórnarskránni. En felst það ekki í nýrri stjórnarskrá að línur séu lagðar um slíkar hugarfarsbreytingar í stjórnarskrá og hvert við viljum stefna til framtíðar? Nú eftir bankahrun fór þessi umræða af stað um að gera nýja stjórnarskrá, umræða sem Sigurður kýs að gera lítið úr einhverra hluta vegna og var það m.a. vegna þess að við Hrunið opinberaðist hversu ónýt stjónrskipan og stjórnsýslan er hér á landi. Áratugum saman hafa stjónrmálamenn sem eiga að vinna eftir stjórnarskránni staðið í því að breyta henni sjálfir, ekki þeir sem veita þeim vinnu né aðrir. Vegna flokkshagsmuna þá hafa þessir stjórnmálamenn aldrei náð saman um stórvægilegar breytingar, aðeins fiffað upp á þá gömlu sem hingað til hefur verið veigalítið plagg í augum þeirra. Við það hafa hrannast upp óútkljáð deilumál, stórar breytingar hafa setið á hakanum og svo eins og í fyrra sást best að þegar þurfti að gera breytingar á stjórnarskrá vegna þjóðaratkvæðagreiðslna og auðlinda þá stóð Sjálfstæðisflokur í vegi fyrir því vegna þess að auðlindirnar gætu orðið að þjóðareign og þjóðaratkvæði var algjört blótsyrði í munni þeirra. Völd til fólksins, nei takk! var mottóið þá. Staðan í dag er einfaldlega sú að eftir allt þetta þá sitjum við uppi með hundgamla stjórnarskrá sem fáir sem enginn ber virðingu fyrir enda eru þetta orðið að fúnum grunni eftir Hrun. Það er því kominn tími til að vinnuveitendur stjórnmálamanna taki það að sér að ákveða hvernig starfsreglurnar í fyrirtæki sínu: Lýðveldi Íslands ohf. séu og starfsmennirnir á þingi og í stjórnsýslunni verði látnir vinna eftir því hvað vinnuveitendurnir ákveði en ekki eftir því hvað þeir ákveði sjálfir oft á tíðum í trássi við starfsreglur sínar í stjórnarskrá. Þegar maður lítur yfir stjórnarskránna þá sér maður að að það er svo mikið sem þarf að breyta eða endurskoða að best sé að byrja frá grunni að nýju. Við þurfum nefnilega að ákveða í nýrri stjórnarskrá hvort við viljum þjóðareign á auðlindir, aðskilnað ríkis og kirkju, það þarf að aðskilja framkvæmdavaldið frá lögjafnum en eins og þetta hefur verið þá hefur framkvæmdavaldið stjórnað Alþingi, það þarf að að ákveða framtíðina með forsetann, stjórnsýsluna og kosningar, viljum við landið sem eitt kjördæmi, þjóðaratkvæðagreiðslur, mannréttindamál þarf að festa í stjórnarskrá og margt, margt fleira sem ógjörningur er að sé hægt að laga smátt og smátt með skammtalækningum fortíðar á Alþingi þar sem fólk hugsar fyrst og fremst út frá eigin hagsmunum, vina sinna og flokksins fremur en þjóðarinnar. Fortíðin hefur allavega sýnt okkur að gamla leið Sigurðar og annarra íhaldsamra manna virkar ekki til breytinga, slíkt er fullreynt, stjórnlagaþings með fulltrúum þjóðar en ekki þingflokka er þörf.

Klisjan um aðskilnað ríkis og kirkju!

baldur — Sat, 28 Aug 2010 20:49:18 +0000

Stjórnarráðið hefur ekkert lengur að segja yfir kirkjunni. Kirkjuþing er æðsta vald kirkjunnar. Kirkjan er sjálfstæð, ræður sér sjálf. Kirkjan er rekin af sóknargjöldum sem ríkið innheimtir fyrir þjóðkirkjuna, samkvæmt sérstökum samningi, sem og aðra trúflokka. Ríkið tók yfir eignir kirkjunnar og greiðir í staðinn laun prestanna. Í hugum margra felst algjör aðskilnaður í því að þessi samningur gangi til baka. það myndi litlu breyta nema að kirkjan þyrfti að fara að stunda eignaumsýslu í ríkara mæli. Að vísu fær kirkjan greiðslur í Kirkjumálasjóð og Kristnisjóð sem eru viðbót við það sem önnur trúfélög fá. Ef algjör aðskilnaður yrði myndi(eins og í Svíþjóð) verða að gera samning við kirkjuna um að annast vissa þjónustu um allt land. Varla færi löggan að jarða? Ekki færu þingmenn að hugga fólk? Það yrðu nægir til þess í Kópavogi en tæpast á Kópaskeri. Sá samningur myndi örugglega jafngilda þessum greiðslum. Algjör aðskilnaður myndi fyrst og fremst felast í afnámi einnar setningar í stjórnarskrá ,,Hin evangeliska lúterska kirkja er þjóðkirkja á Íslandi og ríkið skal styðja hana og vernda" og röltið milli Dómkirkju og Alþingis myndi falla niður og það er hvort sem er tímaskekkja. Allt annað yrði eins þ.m.t. krossinn í fánanum, frídagar sem eru lögskipaðir, kirkjur yrðu ennþá á hverju strái og Kristur áberandi í menningunni og Þjóðkirkjan hefði yfirburði yfir önnur trúfélög og langflestir áfram kristnir. Orðið aðskilnaður er klisja og menn verða að gera þá kröfu til manna eins og Árna Þórs Sigurðssonar að útskýri hvað þeir eigi eiginlega við??

Græna klúðrið

aggi — Sat, 28 Aug 2010 19:59:16 +0000

Rétt fyrir menningarnótt þá fóru starfsmenn borgarinnar í það að setja upp græna hjólreiðaakrein á Hverfisgötunni. Ætlunin var víst að gera tilraun með hjólreiðarstíg, hvernig hægt væri að auka mannlífið þarna og svo heyrðist einhversstaðar sú röksemd að þetta myndi hægja á umferðinni. Þessi ágætishugmynd virðist ekki hafa verið hugsað alla leið því miðað við sem maður hefur séð á göngu og svo í gegnum bílrúðu þá er þetta klúður. Bílastæðin við Hverfisgötuna voru máluð græn svo það hefur engin áhrif á umferðina sem slíka, hvað þá að þeir séu að stoppa þar einhverstaðar til að auka mannlífið. Þessir fáu hjólreiðamenn sem maður hefur orðið var við, nota svo stíginn í báðar áttir þó hann hafi verið ætlaður sem einstefna og þau fyrirtæki sem starfa við Hvefisgötuna missa bílastæði sem viðskiptavinir hafa nýtt sér. Ekki bætir úr skák að þegar Regnboginn mun opna að nýju þá verða engin bílastæði fyrir framan bíóið, aðeins í á Laugarvegi eða í hliðargötum þar sem fá stæði eru og spölur í næsta bílastæðishús eða næstu bílastæði fyrir neðan í því grotnandi hreysa- og grenjahverfi sem verktakar og Björgólfsfeðgar hafa skilið eftir sig frá Hverfisgötu niður að Sæbraut. Það væri því betra að hjóla í Björgólfshreysins og verktakagrenin og láta gera þau hús upp á kostnað eigenda ef ætlunin er að auka mannlíf. Ef þau yrðu tekin í gegn og þessi hreysisvæðing miðbæjarins sem hefur veirð að grotna niður síðan þessir aðilar byrjuðu að hasla sér völl miðsvæðis með góðu og illu þá mætti reikna frekar með að verslun og mannlíf myndi byrja að blómstra að nýju í miðbænum. Svo spyr maður að lokum, hvar er þessi rannsóknanefnd sem átti að fara að skoða m.a. stjórnsýslu Reykjavíkur og tengsl við verktakanna sem voru þarna að braska?

Viðbrögð skrúðkrimmana

aggi — Sat, 28 Aug 2010 14:00:16 +0000

Jón Ásgeir hótar kærum hægri og vinstir og fer í skaðabótamál við formann slitastjórnar Sigurður Einarsson lætur glita í minkseðlið og heimtar rannsókn á sérstökum saksóknara. Geysir Green Energy titrar af ótta og heimtar rannsókn á rannsóknanefnd. Allir haga þeir sér eins þegar byrjað er að skoða hvað valdi óþefnum í kjallaranum þeirra.

Ný íslensk sjónvarpssería

einarkarl — Fri, 27 Aug 2010 21:26:42 +0000

Gaman að sjá íslenska þáttagerð blómstra á einkareknu sjónvarpsstöðinni ÍNN. Ég horfði þar á gamanþátt, þetta er svona raunveruleikaþáttur í anda 'Office', spéspegils-eftirlíking af spjallþætti, með kostulegum karakter í aðalhlutverki sem er sjálfumglaður sígasprandi og óþolandi besserwisser sem er rauður í framan með gult hár, svo er þarna álkulegur wannabee-pólitíkus með sprenghlægilega bjánalega replikka, og snoðklipptur þingmaður sem á greinilega að líta út fyrir að vera gjörspilltur, svona "Baugsþingmaður", þið skiljið. Ólöf Nordal var þarna í óskýru aukahlutverki en fékk ekki að njóta sín í alveg jafn absúrd kjánaskap og mótleikararnir. En þátturinn var aðeins og langur og einsleitur eftir því sem leið á. Verður gaman að sjá hverju þau taka uppá í næsta þætti.

Hvað er aðlögun?

aggi — Fri, 27 Aug 2010 20:07:57 +0000

Eftir allt fjaðrafokið út af ummælum Jóns Bjarnasonar í vikunni þá var eitt sem ég áttaði mig á því að ekki hafði verið útskýrt á neinn hátt. Jón talaði um að aðildarviðræðurnar við ESB væri í raun aðlögun en einhvern veginn hefur ekki neinstaðar að maður hefur séð verið farið út í það hvað maðurinn meinti. Hver er munurinn á aðild og aðlögun? Hvað felst í þessari aðlögun? Hverju er verið að breyta? Hvaða kröfur er verið að uppfylla í aðlöguninni? Er þetta gott fyrir okkur eða slæmt fyrir okkur sem samfélag sama hvort við segjum já eða nei þegar við fáum að kjósa um samninginn? Hvað er verið að meina nákvæmlega? Og hvernig getur það verið aðlögun þegar þjóðin á eftir að ákveða já eða nei í þjóðaratkvæði? Ég sakna þess í fréttum, Kastljósi og öðru að engir fjölmiðlamenn skulu hafa hjólað í Jón og krafist svara um hvað hann var að fara nákvæmlega hvað þá að farið væri ofan í saumanna á því hvað var verið að ræða um enda er maður engu nær. En hver veit, kannski voru fjölmiðlamenn í aðlögun á leikskólanum ásamt Jóni. Leikskólinn við Austurvöll fer víst að opna bráðlega að nýju.

Kallast á við Jónas um arsenikeitrun í Ölfusi!

baldur — Fri, 27 Aug 2010 16:25:37 +0000

Þegar við vorum í bæjarstjórninni í Ölfusi að leggja blessun okkkar yfir borholurnar á Hellisheiði þá var gert ráð fyrir því að eiturefnið arsenik sem kæmi úr holunum (upprunalega vatnið þegar búið væri að nota það til hitaskipta)yrði leitt undir Ölfus út í landgrunnið. Athygli okkar var ekki vakin á þessu. Einhver sá hugtakið arsenik í flóknum neðanmálsútskýringatexta (og hélt fyrst að það væri fótboltaliðið Arsenal) en sérfræðingur gekk undir sérfræðings hönd að sannfæra okkur um að eitrið færi það djúpt undir Ölfusið að engin hætta væri fyrir lífríkið hvorki á landi né sjó. Okkur til hugarhægðar voru holurnar dýpkaðar. Seinna frétti ég að efiðlega hefði gengið að bora djúpt og veit ekki um framhaldið því að Framsóknarmenn vildu fá inn í bæjarstjórn í staðinn fyrir mig einhvern sem örugglega kynni ekki að lesa skýrslur. Þetta rifjast upp fyrir mér þegar Jónas Kristjánsson skrifar um arsenikeitrun í Ölfusi.

Hvað eiga kirkjan, KR, Oddfellow og Flugfreyjufélagið sameiginlegt?

einarkarl — Fri, 27 Aug 2010 09:50:12 +0000

Í sjálfu sér ekki neitt. En frá mínum sjónarhóli séð eiga öll þessi félög þó það sameiginlegt að ég er ekki félagi í þeim. Það þýðir ekki að ég sé neitt á móti þeim, síður en svo, ég bara á ekki samleið með þeim af ýmsum ástæðum og þarf auðvitað ekkert að afsaka það, frekar en að ég þurfi að skýra af hverju ég er ekki í ballett eða frímerkjaklúbbi. Ég held meira að segja að þetta séu allt góð og gegn félög sem vinna gott starf. En sem sagt, ég er ekki félagi í þeim og borga þ.a.l. ekki til þeirra félagsgjöld. Nema til kirkjunnar. Ríkið innheimtir af mér safnaðargjald þó svo ég sé ekki í neinum kirkjusöfnuði. Dálítið spes. Safnaðargjaldið mitt rennur beint í ríkissjóð, sem m.a. borgar laun biskups. Ég hefði frekar kosið að þetta félagsgjald gengi til félags sem ég sjálfur kýs að vera félagi í, svo sem til kórsins míns, RKÍ, Amnesty, Ferðafélagsins, eða annars félags, af þeim sem ég er félagi í og greiði gjöld til. En svona er þetta. Má ekki fara að breyta þessu?

Sigrún Pálína beðin fyrirgefningar!

baldur — Thu, 26 Aug 2010 23:24:54 +0000

(Á að vera fyrirgefningar í fyrirsögn). Ég trúði öllu þvi sem Sigrún Pálína Ingvarsdóttir sagði í Sjónvarpinu í kvöld og skammast mín alveg hræðilega fyrir að hafa ekki opinberlega tekið málstað hennar strax árið 1996. En það varð ekki svo. Við trúðum biskupi (ekki án efa þó) til að byrja með. Hann var ekki bara yfirmaður okkar á biskupsstofu. Hann var biskup og biskup er andlegur leiðtogi, trúarleiðtogi. Í slíkt embætti eru bara valdir afbragðsmenn, héldum við. Það var beinlínis óhugsandi að þar færi maður sem hefði gert annað eins og á hann var borið. Að auki var Ólafur mjög sterkur maður. Réði svæðinu í kringum sig eins og ég hef áður orðað það og við þekktum hann persónulega ekki af neinu öðru en góðu einu (eitthvað hafi ég heyrt talað um kvensemi og konu sem væru þarna úti en hreinskilnislega sagt það var svo mikið slúður í kirkjunni á þessum tíma að ég a.m.k. tók það ekki alvarlega). Ég stóð m.a. á einum tímapunkti gegn því að PÍ skoraði á Ólaf að víkja eins og Harpa Hreinsdóttir getur um á bloggi sínu í kvöld. Á þeirri forsendu að um væri að ræða ásakanir sem ekki væri hægt að sanna og rangt væri því að samþykkja slíka ályktun. Ég greip þann þráð sem m.a. ýmsir virtir lögmenn spunnu á síðum blaða. Síðar var ég í hópi þeirra sem lögðu að Ólafi að hætta. Ég var biskupsritari eins og fram hefur komið og þar með undirmaður Ólafs en jafnframt staðgengill í stjórnsýslulegum efnum og blaðafulltrúi biskupsstofu. Mér dettur ekki í hug að biðjast afsökunar á því að hafa verið í því starfi. Við á Biskupsstofu reyndum að halda sjó eins og mögulegt var og ég tók meðvitaða hugsaða ákvörðun að flýja ekki embættið og auka þar með á ringulreiðina. Það markaði þessa sögu alla að Ólafsmálið byrjar á tíma þegar harðvítugar deilur höfðu geysað í prestastétt, guðfræðilegs eðlis en það blandaðist deilum um persónur, ekki síst persónu Ólafs. Biskupinn stóð orðið í sífelldum erjum innanstéttar. Sigrún Pálína hafði aldrei samband við mig né ég við hana. Við ,,hittumst "einu sinni eftir sjónvarpsþátt hjá Stefáni Jóni Hafstein áður en hún upplýsti um mál sitt. Þá var ég þar að berja á svartstökkum minnir mig eða þeir á mér. Man ekki hvort hún sagði mér það sjálf eða einhver annar viðstaddur að ásakanir myndu koma fram og þetta væri konan. Þetta var mjög stutt og snöggt. Ég hef sjálfur talað um að jafnaldrara- og stór vinahópur Ólafs hafi staðið þétt að baki honum. Mér dettur hins vegar ekki í hug að fordæma þá menn. Þetta voru vinir Ólafs og langflestir höfðu ekkert nema gott af honum og segja og áskanirnar komu þeim algjörlega í opna skjöldu. Margir þeiira áttu erfitt þegar leið á tímabilið. Ég bið sem sagt Sigrúnu Pálínu fyrirgefningar (fyrir það að hafa ekki fyrr en ég gerði lagt fullan trúnað á orð hennar og lýst því yfir opinberlega) og dáist að henni fyrir staðfestu hennar og heiðarleika.

Eldur og ís á Ljósanótt

elgurinn — Thu, 26 Aug 2010 22:58:48 +0000

Eldur og ís er heiti ljósmyndasýningar sem ég opna á Ljósnótt þeirri er framundan er í Reykjanesbæ. Sýningin verður í Duushúsum sem mun iða af menningarlífi þá helgina. Íslenskt eldfjalla- og jöklalandslag er viðfangsefni mitt á þessari ljósmyndasýningu eins og nafn hennar gefur til kynna. Eldur og ís eru andstæðurnar sem mótað hafa jarðfræðiundrið Ísland í milljónir ára. Á sýningunni verða ljósmyndir sem ég hefur tekið á ferðum mínum um undraheima íslenskra skriðjökla, útkulnaðra megineldstöðva og forvitnileg svæði sem jarðhitinn og eldvirknin hefur sett svip sinn á. Segja má að í leiðinni sé þetta því eins konar jarðfræðisýning. Sýningin verður opnuð fimmtudaginn 2. september kl. 18 og eru allir hjartanlega velkomnir. Opið verður til kl. 22. Á föstudeginum verður opið frá kl. 13-20, laugardaginn frá kl. 13-19 og sunnudaginn frá kl. 13-17. Vonandi sé ég ykkur sem flest Bestu kveðjur, Ellert Grétarsson.

ECRI on Roma!

baldur — Thu, 26 Aug 2010 16:39:26 +0000

Strasbourg, 24.08.2010 - The European Commission against Racism and Intolerance (ECRI) is deeply concerned about the treatment of Roma migrants in France today. In a report published in June 2010, ECRI had called on the French authorities to combat the racist attitudes and hostility harboured by the majority population vis-à-vis this community. In recent weeks high-ranking officials have made political statements and the Government has taken action stigmatising Roma migrants. The latter are held collectively responsible for criminal offences and singled out for abusing EU legislation on freedom of movement. ECRI can only express disappointment about this most negative development. Already in 2005 ECRI had recommended that France should ensure Roma migrants’ social rights to housing, health and education. In 2010 many such persons still live in squalid conditions in makeshift camps. A policy based on evictions and “incentives” to leave France, even assuming that relevant human rights standards are complied with, cannot provide a durable answer. While France may impose immigration controls in accordance with its international obligations, ECRI wishes to recall that EU citizens have the right to be on French territory for certain periods of time and to return there. In these circumstances, France should look for sustainable solutions in cooperation with partner States and institutions. Generally speaking, ECRI considers that anti-Gypsyism, which is a particular form of racism, should be effectively combated in all European countries. Well resourced programmes capable of reaching out to the real target groups are needed to counter Roma marginalisation and the negative image that inevitably accompanies it. Government policies or legislative proposals that are grounded in discrimination on ethnic grounds are impermissible and run counter to legal obligations binding on all Council of Europe member States. *** ECRI is a Council of Europe independent human rights body that monitors problems of racism and intolerance by preparing country specific reports, and issues recommendations to member states. More information on: www.coe.int/ecri Contact: Jaime Rodríguez, Press Officer, Tel. +33 (0) 689 99 50 42; jaime.rodriguez@coe.int Council of Europe Directorate of Communication Tel: +33 (0)3 88 41 25 60 Fax:+33 (0)3 88 41 39 11 pressunit@coe.int www.coe.int (Undirritaður er tilnefndur af Íslands hálfu í ECRI sem sérfræðingur um kynþáttamálefni)

Skilanefndarstarfsmaðurinn

aggi — Thu, 26 Aug 2010 08:12:53 +0000

Í fréttum Stöðvar 2 í gær var fjallað um ofurlaun skilanefndarmanna Landsbankans og annarra banka. Þar var vikið örlítið að starfsmanni skilanefndar Landsbankans sem fékk eftirfarandi umsögn í fréttinni: "Hjá skilanefndinni starfar líka Ársæll Hafsteinsson, lögfræðingur, sem framkvæmdastjóri en laun hans eru ekki inni í þessari tölu og í raun liggur ekki fyrir hversu há þau eru. Þess má svo geta að í ágúst á síðasta ári vék Fjármálaeftirlitið honum úr skilanefndinni m.a á þeirri ástæðu að hann væri einn af yfirmönnum gamla Landsbankans fyrir hrunið en skilanefndin réð hann þá sem starfsmann í kjölfarið." Örugglega hafa einhverjir fleiri lyft brúnum en ég þegar þetta nafn heyrðist og furðað sig á því hversvegna ekki var frekar farið út í sögu hans. Ársæll var nefnilega enginn venjulegur yfirmaður, hann var búinn að vera yfirmaður Lögfræðisviðs bankans frá 2003 sem m.a. Útlánaeftirlit féll undir. Væntanlega hefur hann átt að kanna lögmæti lána á borð við gengistryggðra lána og óhóflegra lána til tengdra aðila á borð við Björgólfsfeðga o.fl. sem gengu eins og Bjarnabófar um hirslur bankans. En það er ekki það eina því hann var nú ráðinn af Björgólfi eldri frá Búnaðarbankanum líkt og Sigurjón B. Árnason o.fl., yfir til Landsbankans eftir að hafa lekið innherjaupplýsingum úr Búnaðarbankanum um Norðurljós til fyrirtækis sem var m.a. í eigu Björgólfs Guðmundssonar. Fyrir það hlaut hann sekt frá FME ásamt Árna Tómassyni, formanni skilanefndar Glitnis, nokkuð sem virðist ekki hafa haft áhrif á starfsframa hans í bankageiranum, hvorki fyrir eða eftir Hrun. Við Hrun var hann nefnilega skipaður í skilanefnd, vikið svo síðar úr henni ásamt öðrum Landsbankamanni, Sigurjóni Geirssyni fyrrum yfirmanni innri endurskoðunar, en það kom ekki að sök þar sem skilanefndin réð þá bara í staðinn sem ráðgjafa og senti FME eitt stórt fokkjú-merki með því. Síðar virðist Ársæll hafa svo verið gerður að framkvæmdastjóra skilanefndarinnar miðað við frétt gærdagsins. Þetta fór örugglega framhjá flestum á sínum tíma í fyrra en þetta er ekki beint ásættanlegt hið minnsta því þetta vekur upp hjá manni vangaveltur um störf skilanefndar vegna þess hverus háttsettur Ársæll var innan bankans og tengsla hans við Björgólfs-feðga og gömlu Búnaðarbankamennina Sigurjón B. Árnason og félaga að ógleymdri Skýrslu nokkurri sem dró upp þá ljóta mynd af innri starsemi bankanna svo vægt sé til orða tekið. Í fyrsta lagi þá veltir maður fyrir sér núna hvort náið starf hans með skilanefndinni eigi sinn hluta í því að lappirnar hafa verið dregnar í því að senda mál til sérstaks saksóknara, rifta samningum og eignatilfærslum yfir á maka. Í öðru lagi þá veltir maður nú fyrir sér hvort starf hans fyrir nefndina sem greinilega finnst hann ómissandi, skili því að litið sé framhjá hugsanlegum ákærum eða lögsóknum vegna handvamma, glæpsamlegra athafna eða andvaraleysis innan bankans. Í þriðja stað veltir maður fyrir sér vegna náinna tengsla við Björgólfsfeðga hvort hans nána samband við nefndarmenn og Björgólfsfeðga hafi skilað því að skilanefndin ætlar ekkert að gera neitt til sækja fé á hendur Björgólfsfeðgum. Í fjórða stað veltir maður því fyrir sér hvort þetta þýði ekki þá einnig að skilanefndin muni ekkert gera til að lögsækja stjórnarmenn og lánanefndir Landsbankans sem Ársæll hefur unnið örugglega náið með ásamt innri endurskoðandanum sem var að ráðgjafast með honum fyrir skilanefndarinnar heldur verði ákveðið að einhverjir 1-2 taki skellinn fyrir gengið. Fleirum hlutum er hægt að velta upp með þetta en á meðan Ársæll og aðrir sem eru svo nánir fortíð Hrunsins, starfa í og fyrir skilaefndir sem m.a. eiga að skila saknæmum hlutum til sérstaks saksóknara, rifta óögmætum eða svivirðilegum gjörningum og fara í skaðabótamál gegn fyrrum stjórnendum og eigendum sem misnotuðu sér aðstöðu sína, þá er full þörf á að rannsaka hvort þeir hafi stungið hlutum undir stól, falið hluti þeim tengdum eða hindri/tefji rannsóknir og uppgjör mála. Það á nefnilega ekki að treysta gerendum Hrunsins tiil að ákveða sök í málum sínum og vina sinna.

Breyskir menn og skrímsli

aggi — Wed, 25 Aug 2010 20:25:24 +0000

Mér ofbauð yfir fréttum í kvöld. Virkilega ofbauð. Þar talaði Karl biskup um að fólk ætti að minnast einnig hins góða af hálfu Ólafs Skúlasonar þrátt fyrir breyskleika hans. Breyskleika? Breyskleiki er einvher sem hefur skapgerðarbresti, reykir, drekkur, hefur ósiði og skapgerðarbresti, heldur framhjá eða álíka aðra hluti sem fólk getur fyrirgefið einhvern tímann, sérstaklega ef viðkomandi iðrast gjörða sinna. En var Ólafur breyskur miðað við það sem kom fram? Nei, það eru nefnilega ekki breyskir menn sem nauðga konum og níðast á börnum, það eru skrímsli og Ólafur var eitt slíkt í mannsmynd sem blekkti fólk, setti upp grímu góðmennsku til að ávinna sér traust til að komast að fórnarlömbum sínum sem hann iðrunarlaust myrti sálir þeirra, varinn af valdi sínu og stofnunnar sem hafði meir áhuga á að verja ímynd sína heldur en að hjálpa þeim sem höfðu orðið fyrir barðniu á rándýrinu sem biskupsskrúðinn huldi. Slík skrímsli geta aldrei talist breyskir menn.

Tröllið Jón og ósýnilegu UJ-börnin

aggi — Tue, 24 Aug 2010 21:31:13 +0000

Jón Bjarnason er stjórnmálamaður sem minnir mann á tröll, þjóðsöguleg vera frá fornri tíð sem færi betur að vera steinrunnin við sólarupprisu heldur en að vera ráðherra. Sífellt til vandræða fyrir þá sem hann kvittaði upp á stjórnarsáttmálann með, heldur að torfkofar séu nýju einbýlishúsin og telur hagsmuni fámenns þrýstihóps millliða landbúnaðarkerfishryllingsins mikilvægari en hagsmunir hundruð þúsunda neytenda hér á landi. Semsagt ráðherra sem vel má missa sín þrátt fyrir stórkostleg tilþrif í tilsvörum til fréttamanna sem mnna helst á Monty Python-sketsur og glalaður myndi ég því una semsagt ef Jón væri særður frá ráðherradómi til síns heima og steinrunninn gerður út í haga við sólarupprisu skárra Íslands. Og þeir fyrstu sem stökkva á sviðið til að kveða burt þetta tröll með afsagnarþulu er hópur barna sem kalla sig Unga jafnaðarmenn. Ha? Er svoleiðis til? Það virðist vera þó það hafi ekki heyrst múkk í þessum Ungju jafnaðarmönnum eins lengi og elstu menn muna. Ekki kannski skrítið því þau virðast vera ósýnileg líkt og óhreinu börnin hennar Evu, hljóðlát einnig og læðast með veggjum þrátt fyrir ýmsa ljóta hluti sem ungliðar annarra hreyfinga hafa látið sig varða hvort sem það er hið maðkaða Magma eða skuggaverkin sem skrifuð voru í Skýrslu góða. Og það fyrsta sem fær athygli frá þeim eða heyrist frá þeim svo elstu menn muna, er að tröllið J'on eigi að segja af sér. Það heyrðist ekki múkk frá þeim um að Ingibjörg Sólrún ætti að axla sína ábyrgð og víkja vegna Hrunsins, það heyrðist ekki múkk frá þeim um að Björgvin G. ætti að taka poka sinn í vor eftir afhendingu Skýrslu, kjafturinn á þeim var samlímdur yfir styrkjamálum Steinunnar Valdísar og þverrifan saumuð saman yfir öllu því sem kom fram í Skýrslunni um þátt Samfylkingar, ráðamanna og annarra sem sök áttu á Hruninu innan sem utan þeirra raða. Stórmál á borð við Magma kjósa þau að tipla á tánum framhjá hvort sem það er af þægð eða ótta við að styggja þá sem gætu hindrað frama þeirra innan Samfylkingarinnar ef þau skyldu gagnrýna þá möðkuðu Magma-súpu alla. Nada, ekkert, varla að maður finni nokkuð um áhuga þeirra á tiltekt í íslensku samfélagi nema þegar kemur að tröllinu Jón sem flestir fegnir vildu losna við og ástæðan er ekki að hann hafi gerst sekur um spillingu, gerst sekur um að valda Hruni, gerst sekur um að þiggja óhóflega styrki, gerst sekur um glæpsamlega vanrækslu eða skriðið fyrir Magma eða Björgólfi Thor. Nei, hann bullaði um ESB á forsíðu Moggans í enn einni Monty Pythonískri sketsu eins og honum einum er lagið. Það eitt fær þessi börn til að vakna til lífsins, gerast sýnileg og leggja af stað í víking gegn því trölli sem Jón er og brátt mun á brott verða kveðinn. Má ég því biðja þessi börn um að gerast ósýnileg að nýju ef þetta er það eina sem fær þau til að heimta afsagnir ráðamanna?